Bealli beaivvážis sevnnjoda. Mađi davvelis don leat, dađi buorebut oainnát beaivvášsevnnjodeami.
UiT (Romssa universitehta) čállá universitehta neahttasiiddus ahte geassemánu 10. beaivvi lea beaivvášsevnnjodeapmi. Romssas jávká 51 proseantta beaivvážis, Hámmerfeasttas 53 proseantta, Troanddimis 39 proseantta ja Oslos 31 proseantta.
– Sevnnjodeapmi lea unnit go dat mii lei 2015:s, mii lei gaskal 89 ja 97 proseantta Norgga nannámis. Aŋkke jáhkkit mii ahte dáhpáhusa dán háve maid dokumenterejit riikaoasi govvejeaddjit. Muhto muitet beaivvášsevnnjodan-čalbmelásiid dahje beaivvášfiltara kámerai, dadjá UiT informatihkkaprofessor, Steinar Thorvaldsen.
UiT sádde YouTube bokte njuolggosáddaga sevnnjodeamis geassemánu 10. beaivvi diibmu 11:30 rájes.
