Sámi Našunálateáhter lea nominerejuvvon Heddabalkkašupmái «Buoremus nuoraidčájálmas» luohkás, Kathrine Nedrejorda «Maid Sárá čiegada» čájálmasain.
«Maid Sárá čiegada» čájálmasas, man Kristin ja Bernt Bjørn bagadalaiga, lei álgočájálmas njukčamánus dán jagi, man sihke geahččit ja árvvoštallit vuostái válde bures.
– Ilolaš, earenoamáš, ja čuvges boahtteáigi! Nuorra neavttárat «Máid Sárá čiegada» -čájálmasas leat čájehan alla dáiddalaš kvalitehta, ja dál šaddá vel buoret go mii oažžut iežamet teáhtervistti, cealká ilolaš ja rámis teáhterhoavda Rolf Degerlund preassadieđáhusas.
Degerlund lasiha vel ahte Sámi lávdedáidda lea mávssolaš oassi Norgga teáhterservvodagas.
Maiddai čájálmas «Allaq – Dållen gïelle», man Cecilie Persson lea čállán, lea nominerejuvvon Heddabálkkašupmái luohkás «Buoremus audiovisuála hábmen» musihkain man Frode Fjellheim lea ráhkadan ja čuovgahábmema ovddas man Per Sundin lea ráhkadan. Čájálmas lei Åarjelhsaemien Teatere, Turneteatret i Trøndelag ja Sámi Našunálateáhter Beaivváža ovttasbargu.
Maid Sárá čiegada -bihttá:
Čálli: Kathrine Nedrejord
Bagadalli: Kristin Bjørn
Veahkkebagadalli: Bernt Bjørn
Cavgileaddji: Rawdna Carita Eira
Sámás: Britt-Inga Vars
Bivttashábmejeaddji: Galina Urusova Valio
Lávdehápmi: Kristin Bjørn
Lávdehábmejeaddji: Ole Thomas Nilut
Čuovgahábmejeaddji: Maria Therese R. Oskal
Šuokŋadahkki: Roger Ludvigsen
Ráhkadan lávlaga «Red fast car»: Gard Emil
Neavttárat: Marte Fjellheim Sarre, Eila Ballovara Varsi, Anja Bongo Bjørnstad, Gard Emil, Kristian Tapio, Henrik Spantell Valdermo
Buvttadus- ja čájálmasteknihkkárat: Ole Thomas D. Nilut, Olav Johan Eira, Jan Cato D. Nilut, Maria Therese R. Oskal, Bernt Roger Somby
Bivttasduojárat: Galina Urusova Valio, Susanne Bæhr, Irina Jakobsen
