Dál lea Beaivváš Sámi Našunálateáhter johtigoahtán iežaset ođđa bihtáin, «Johan Turi».
Beaivváš Sámi Našunálateáhter lea dál čájálmasmátkkis «Johan Turi» bihtáin mas lei álgočájálmas čakčamánu 6. beaivvi, Det Norske Teatret lávddis, Oslos. Čájálmasmátki lea Snoasa rájes Guovdageidnui, ja teáhter fitná ollu báikkiin sihke Nordlánddas, Romssas, Finnmárkkus ja maiddái Suoma ja Ruoŧa beal Sámis.
Bihtá neavttárat leat Iŋgor Ántte Áilu Gaup, Egil Keskitalo ja Inga Marja Sarre. Harald Gaski ja Gunnar Gjengset leaba čállán bihtá, Frank Jørstad ja Kristian Lykkeslet Strømskag fas heivehan.
Bihtá birra
Johan Turis lea niehku almmuhit girjji mas muitaluvvo sámiid eallinvuogis. Ovddit čuohtejagi álggus atne sápmelaččaid stuorra servodatváttisvuohtan, ja son háliidage čilget eiseválddiide sápmelaččaid eallinvuogi, ja nu maid váikkuhit dasa ahte eiseválddit rievdadivčče oainnu sápmelaččaid ektui. Muhtin togamátkkis deaivvada son gironlaš fitnodathoavddain Hjalmar
Lundbohmain. Seamma mátkkis deaivvada maid dáiddáriin ja antropologain Emilie Demantain. Sáhttiba go soai veahkehit Turi ollašuhttit niegus?
«Johan Turi» lea čájálmas dan birra movt girji šaddá, lea čájálmas nieguid, fillehusa, eahpádusa, doalvvuheami ja gáhtama birra.
Johtigoahtán
Dá oainnát gos Beaivváš lea daid beivviid go johtet:
Romsa 16.09 Rådstua Teaterhus
Olmmáivággi 18.09 DÁG – Davvi álbmogiid guovddáš
Kárášjohka 21.09 Faláštallanvisttis
Kárášjohka 22.09 Faláštallanvisttis
Deatnu 24.09 Birasvisttis
Vuotnabahta 25.09 Servodatviesus
Ohcejohka 26.09 Ohcejohnjálmmi Skuvllas
Anár 27.09 Sajos
Roavvenjárga 30.09 Rovaniemen teatteri
Giepma 01.10 Stadsteatern
Bájil 02.10 Folkets hus
Johkamohki 03.10 Ájtte
Čohkkiras 05.10 Folkets hus
Áltá 09.10 Alta kultursal
Ráisa11.10 Hálti kulturlávdi
Guovdageaidnu 16.10 Kulturviesus
Guovdageaidnu 17.10 Kulturviesus