Guovdageainnu Bargiidbellodat doarju sin nuoraidorganisašuvnna AUF gáibádusa oažžut buoret oahppogirjjiid sámegillii.
Guovdageainnu Bargiidbellodat doarju sin nuoraidorganisašuvnna AUF gáibádusa oažžut buoret oahppogirjjiid sámegillii.
Maŋemus áiggiid lea leamaš digaštallan sámi oahppogirjjiid dási birra vuođđoskuvllas, erenoamážit matematihkas.
Ipmirmeahttun doabageavaheapmi
Guovdageainnu Bargiidbellodaga jahkečoahkkin ja stivra dorjot Guovdageainnu AUF sávaldaga nannet dási sámi oahpponeavvuiguin.
– Váttis ja muhtomin ipmirmeahttun doabageavaheapmi sáhttá mielddisbuktit oahppováttuid min sámegielat skuvlamánáide. Go sámi oahpponeavvut áibbas gahččet eret joatkkaskuvllas, de dagaha dat sámegielat ohppiide vel váddásit dili go gerget vuođđoskuvllas, čállá Guovdageainnu Bargiidbellodat preassadieđáhusastis.
(Ášši joatká gova vuolábealde)
Dárkkistit dási
Guovdageainnu Bargiidbellodat deattuha dárbbu mannat čađa ja dárkkistit sámegiel oahpponeavvuid dási, vai sihke giella ja fágalaš sisdoallu nannejuvvo.
– Viidásit ferte vuoigatvuohta buriid sámegiel oahponeavvuid nannet maiddái joatkkaskuvllas, čállá Guovdageainnu Bargiidbellodat.
