Sámi Grand Prix dokumentárafilmmain ja bávkkanasaiguin rahppojedje Guovdageainnu beassášmárkanat.
Sámi Grand Prix dokumentárafilmmain ja bávkkanasaiguin rahppojedje Guovdageainnu beassášmárkanat.
Olu olbmot ledje čoahkkanan Thon hotellii Guovdageainnus otne eahket. Guovdageainnu beassášdoalut rahppojedje bávkkanasaiguin ja Sámi Grand Prix dokumentárafilmmain. “Sound of the sami plains” čájehuvvui vuosttaš geardde Guovdageainnus. Vaikko lei veahá čoaskkis, ledje olu olbmot vuolgán geahččat.
Okta váldoolbmuin filmmas lei Hans Ole Eira. Filbmadahkki lea čuvvon Hans Ole moadde beaivvi sihke ealu luhtte, ja go ráhkkana Grand Prix:ai.
— Lea guhtta jagi áigi go filbmejuvvui, nu ahte lei hui somá fas geahččat dán ja muittašit movt dalle lei, čilge son.
Vaikko Hans Ole mielas lei hui ártet oaidnit iežas filmmas, de lei son hui duhtavaš bohtosiin.
— Eai mus lean dette vuordámušat, muhto mu mielas gal šattai filbma buorre, ja lean duhtavaš.
