Turisttat bivde veahki go okta sis lei bávččagahttán juolggi.
Politiija Finnmárkkus dieđiha Twittera bokte ahte sii ožžo lávvardaga eahkes dieđu ahte muhtin olgoriikalaš turista, golmma olbmo joavkkus, lea skáidnen juolggis.
Mátkejoavkku lei njiedjamin vulos Rástegáissás Leavvajoga guvlui go okta sis skáidnii juolggi.
Guovllus lei skoaddu ja helikopter ii sáhttán seaivut, iige gádjunveahka gávdnan sin.
Politiija dieđiha sii leat ožžon dieđu ahte mátkejoavku ieža ordnejedje ášši ja jotket mátki geainnu guvlui.
Sii leat dál boahtán dearvan vulos.
