Stáda geaidnodoaimmahat dieđiha dál ahte gaskaboddosaš šaldi Báttárjoga rastá rahppo árábut go ledje vuordán.
Gaskavahku geassemánu 8. beaivvi rahppo fas luodda Báttárjoga bokte. Dan dieđiha Stáda geaidnodoaimmahat.
– Mii leat gergosat geahččalit šalddi gaskavahku, jus ii fal mihkkege vuordemeahttunvuohta geava. Gaskavahku mielde galgá E6 dakko bokte fas rahppot, lohká Stáda geaidnodoaimmahaga šaldegearggusvuođa fágalaš ovddasvástideaddji, Gunnar Haugen.
Lei ge miessemánu 31. beaivvi go johka borai šalddi bokte nu ahte šaldi measta gahčai. Dalle dieđihii Stáda geaidnodoaimmahat ahte ádjánit birrasii guokte vahku oažžut gaskaboddosaš šalddi báikái.
