Suohpanterror dáiddajoavku lea ožžon bálkkašumi iežaset bastilis dáidagiid ovddas.
Suohpanterror dáiddajoavku lea ožžon bálkkašumi iežaset bastilis dáidagiid ovddas.
Suomen arvostelijain liitto ry (sá. Suoma árvvoštalliid lihttu) SARV juohká bálkkašumi Suohpanterrorii, čállá Yle Sápmi.
Suohpanterror-joavku lea kritiseren earret eará Sámi luondduresurssaid- ja sámekultuvrra rivvema ja ahte sápmelaččaid oainnuid eai leat váldán vuhtii politihkalaš mearrádusaid dahkamis.
Suohpanterror lea bidjan fuomášumi mo Suopma ii leat ratifiseren eami- ja čeardaálbmogiid sajádaga guoskevaš riikkaidgaskasaš ILO 169-soahpamuša.
Bastilit ja čehpet
– Suohpanterror ávkkástallá dáidaga giela bastilit ja čehpet. Suohpanterror čujuha sámekultuvrii ja aktivismii sin barggus. Joavkku plakáhtadáidagis seaguha dáiddahistorjjá ja populárakultuvrra ikonaid dokumenteren hámis. Plakáhtat govvidit beaktilit sámiid sajádaga dálá-Sámis, muitalit bálkkašumi addit preassadieđáhusas, čállá Yle Sápmi.
