Bártnit bártidit eambbo skuvllas go nieiddat.
Bártnit bártidit eambbo skuvllas go nieiddat.
Mannan čavčča bohte PISA-iskosa bohtosat.
Dat bohtosat čájehit ahte Norgga joatkkaskuvlla oahppit leat šaddan čeahpibun skuvllas, sihke matematihkas, luonddufágas ja earenoamážit lohkamis.
Beare olu bártnit bártidit
Olles 21 proseantta bártniin bártidit lohkamis 10. luohkas, ja leat de dain guovtti heajumus lohkandásis.
Dat čájeha ahte oahpaheaddjit eai fuobmá buohkaid geat leat bázahallan eai ge nákce sin veahkehit.
– Dat maid mielddisbuktá ahte beali eambbo bártnit go nieiddat ožžot eanorámašoahpahusa vuođđoskuvllas, čálliba stáhtaministtar Erna Solberg ja oahppoministtar Torbjørn Røe Isaksen lohkkiidčállosis.
Váttis joatkkaskuvllas
Maiddái joatkkaskuvllas bártidit bártnit.
Olles 70 proseantta nieiddain čađahit ja cevzet joatkkaskuvlla normerejuvvon áigái, muhto dušše sulaid 50 proseantta bártniin dahket dan seamma.
Dárbbašuvvojit buoret doaibmabijut
NOU áššedovdilávdegoddi galgá dutkat manne dat sohkabealerohusat čuožžilit ja maid sáhttá dahkat vai eai šatta nu stuora erohusat.
Stáhtaministara ja oahppoministara mielas lea buorre go nieiddat leat nu čeahpit skuvllas, muhto sávvaba ahte nieiddain ja bártniin ii galggaše leat nu stuora erohus oahppodásis.
– Ja juste dán dihte galggašii nagodit veahkehit sin geat bártidit skuvllas, oaivvildeaba Solberg ja Røe Isaksen.
