Bargonávccahis nuoraid lohku lassána, muhto eai gallis sis leat dáhkidan iežaset tietnasa. – Sii fertejit birget gaskal 296 000 ja 324 000 kruvnnain maid ožžot álbmotoajus.
– Ii diet leat olu nuorra olbmuide geain lea olles eallin vuordimin. Ii ge beasa guhkás viessomárkanis ge diekkár tienasvuordámušain, lohká Frende Forsikring Ole-Jørgen Kjenes gii beaivválaččat hállá kunddarbagadalliiguin miehtá riikka.
NAV ođđasamos loguid mielde ledje 21 500 bargonávccahis nuora gaskal 18 ja 29 jagi čakčamánus 2022:s.
– Álbmoga ahkeluohkás lea dát 21 500 olbmo 2,6 proseantta. Lea duođalaš ášši go eanet ja eanet nuorat šaddet bargonávccahislohkui. Sii rahčet sihke rumašlaš ja psyhkalaš váttisvuođaiguin, lohká Kjenes.
Son muitala nuorat leat hui čeahpit dáhkidit iežaset dávviriid go fárrejit ruovttus eará báikkis skuvlla vázzit, muhto nuorat vajáldahttet dáhkidit iežaset ovdamearkka dihtii jus šaddet barggonávccaheamit.
– Jus nuoras leat unnán dahje váilot bargovásáhusat, de ii leat áktánas ruhta maid oažžu álbmotoajus, lohká Ole-Jørgen Kjenes ja rávve nuoraid smiehtastit makkár eallima son oažžu 300 000 kruvnnain jus šaddá bargonávccaheapmin.
