Norggas ožžo diibmá 340 000 olbmo oadjoruđaid danin go leat bargonávccaheamit. Ovddit jagi rájes lassánedje bargonávccaheamit 4,1 proseanttain.
10 proseantta gaskal 18-ja 67-jahkásaš norgalaččain leat bargonávccaheamit.
Norgga bargo- ja čálgoetáhta NAV dieđiha ahte bargonávccaheamit lassánedje jagis 13 400 olbmuin.
Dát lea eanet go ledje einnostan ovdagihtii.
Jáhkkimis lassánit ain
NAV vuordá ahte bargonávccaheamit lassánit vel eambbo, ja jáhkket ahte mákset 351 300 olbmuid oadjoruđain danin go eai nákce bargat.
– Unnit olbmot ožžot bargočielggadanruđaid ja danin jáhkkit ahte bargonávccaheamit lassánit, dadjá bargo- ja čálgodirektevra Sigrun Vågeng.
(©NTB)
