-Almmuhus-
OĐĐASATBargoheaitta Tromssa girdišiljus

Bargoheaitta Tromssa girdišiljus

-

-

Stavangera, Bergena ja Tromssa girdišiljuin eai šat deavdde boaldámuša girdiide, maŋŋil go Parat searvi válddii 21 miellahttu bargoheaitagii odne iđđedis.

Dat 21 miellahttu barget buohkat Flytanking AS fitnodagas. Maiddái Norsk Transportarbeiderforbund lea streaikkas, ja leat váldán guhtta miellahttu streikii.

Dát guđas barget Smart Fuel ossodagain Skjelnanis Tromssas ja Lillesundas Haugesunddas.

Lihttu lea maid iežaset miellahtuid geat barget Flytanking AS:s Stavangeris ja Bergenis, váldán streikii.

 

Čuohcá girdi- ja helikopterjohtolahkii, ja bensinstašuvnnaide

Dát dáhpáhuvai maŋŋil go Norsk Industri ja Parat searvi eai soabadan šiehtadallamiin oljofievrredanšiehtadusa revišuvnna birra.

Oljofievrredanšiehtadussii gullet Parat miellahtut Gardermoen Fuelling Services fitnodagas, Flytanking fitnodagas ja Sisternedrift fitnodagas.

Dát leat fitnodagat mat devdet boaldámuša girdiide stuorra girdišiljuin, dahje geat barget oljodepotain. Streaika danne guoská sihke girdijohtolahkii ja boaldámuša fievrredeapmái bensinstašuvnnaide.

 

Viidu geassemánu 29. beaivvi rájes

Vuosttažettiin streaika ii váikkut eará go girdiid ja helikopteriid boaldámušdeavdimii Stavangeris, Bergenis ja Tromssas.

– Parat lea čađat ovddidan gáibádusaid mat heivehit frontfágašiehtadallama ekonomalaš rámmaide, ja daid bagadusaid mielde mat leat Oljošiehtadusas. Mii leat geahččalan boahtit ovttaoaivilii, muhto bargoaddi ii lahkonatta min, lohká Parat searvvi šiehtadallanjođiheaddji Thomas Lilleboe.

– Geassemánu 29. beaivvi rájes viidu bargoheaitta. Dalle biddjojit maiddái Værnes ja Budeddjo bargit bargoheaitagii, lohká Lilleboe.

(©NTB)

 

 

-Almmuhus-