-Almmuhus-
-Almmuhus-
-Almmuhus-
OĐĐASATBargoheaitta bisttii gávcci beaivvi

Bargoheaitta bisttii gávcci beaivvi

-

-

Odne galget 1 700 journalistta fas ruovttoluotta bargui.

Gaskavahkku bohte Norgga Journalistasearvi ja Spekter/NRK ovttaoaivilii ja bargoheaitta lea dál nohkan.  NRK-bargoheaitta bisttii gávcci beaivvi.

– Lean duhtavaš go dál leat nagodan soabadit ja gávdnan čovdosa, ja ahte Norgga Journalistasearvvi NRK miellahtuid bargoheaitta dál lea nohkan, dadjá Spektera hálddahuslaš direktevra Anne-Kari Bratten NTB preassadieđáhusas.

 

Ruovttoluotta bargui

Barggoheaitta nogai gaskaijaáigge, ja bargit galget dan maŋŋel fas máhccat bargui.

– Leat dál sihkkarastán ahte mis galgá dat gelbbolašvuohta mii dárbbašuvvo, vikárain galget seamma rievttit go eará bargiin bálkká ektui, ja leat ožžon 18 100 ruvnno mii galgá veahá gokčat bálkaerohusa gaskal NRK ja eará stuora mediaásahusaid Norggas, dadjá NRK journalistasearvvi jođiheaddji Richard Aune VG:i.

Gáibádus Norgga Journalistasearvvis lea leamaš buoret bálkká. Gáibádus lei bálkalasáhus 19 500 ruvnnuin, ja NRK fálaldat ovdal heaitaga lei birrasii 15 000, čállá VG.

-Almmuhus-