Áhččeolbmuide lea lassánan váhnenpermišuvdnaáigi ja barget eanet ruovttus. Nissonat barget buot eanemus viessobargguid ruovttus, čájehit SSB logut.
Statistihkalaš guovddášdoaimmahat (SSB) lea guorahallan man ollu áiggi eatnit ja áhčit barget.
Čájehuvvo ahte áhčit barget oanehit áiggi ja eatnit fas guhkit go leat barggus.
Rievdadusat
Ruovttubarggut leat maid guorahallojuvvon, ja doppe čájehuvvo ahte nissoniid ruovttubarggut unno guokte diimmu jándoris 1971 rájes gitta 2010 rádjái.
Dievdduin guhkui áigi ruovttubargguide 45 minuhtain.
Muđuid čállá SSB ahte mii bidjat ollislaččat unnit áiggi viessobargguide, ja nissonat leat sii geat eanemus viessobargguid doaimmahit.
Áhččepermišuvdna
1993:s ožžo áhččeolbmot njeallje vahkku váhnenpermišuvnna.
Dađistaga áiggi mielde leat dat vahkkut lasihuvvon, ja leat dán rádjái gártan 15 vahkkui.
2017:s válde 69,9 proseantta áhččeolbmuin olles permišuvdnaáigi dahje vel eanet.
SSB lea muđuid gávnnahan ahte nissonat barget eanet – dievddut fas unnit bargoeallimis áiggi dáfus.
Nissonat bidjet unnit áiggi viessobargguide – dievddut fas eanet áiggi, muhto leat nissonat geat ain barget eanemus viessobargguid.
Mánáidgárddiin muđuid lassána ain mánáidlohku.
