Bargiin Bærum gielddas lei alimus gaskamearalaš mánnobálká diibmá, 49.200 ruvnnuin. Asker ja Oppegård leaba nubbin ja goalmmádin.
49.200 ruvnnu lea measta 40 proseantta eanet go Røstas, gos lei unnimus bálká 35.400 ruvnnu.
Dan čájehit logut Statistalaš guovddášdoaimmahagas, mat leat mihttojuvvon čakčamánus 2018:s.
Oktiibuot ledje guhtta gieldda gos ássiin lei gaskamearalaš bálká badjel 45.000 ruvnnu. Lassin Bærumii, Askerii ja Oppegårdii lei bálká badjel 45.000 ruvnnu Utsiras, Nesoddenis ja Stavangeris.
Kárášjogas lei gaskamearálaš bálká 40.110 ruvnnu ja Guovdageainnus lei 39.260 ruvnnu.
