-Almmuhus-
OĐĐASATBargiidbellodat eahpečielggas giliskuvlaáššis

Bargiidbellodat eahpečielggas giliskuvlaáššis

-

-

Porsáŋggu sátnejođiheaddji, Knut Roger Hansen, lohká Porsáŋggu Bargiidbellodat lea eahpečielggas, álki lohpidit, muhto gos áigot ruđaid roggat doalahit Billávuona nuoraiddási ja Bissojoga skuvlla.

Porsáŋggu eanetlohku mearridii ovdal geasseluomu ođđa skuvlabiireortnega ja addá Porsáŋggu gieldda ohppiide Smiervuona rájes davás vejolašvuođa skuvlla vázzit Jáhkovuonas Fálesnuori gielddas. Dán ortnega háliida Porsáŋggu Bargiidbellodat (Bb) rievdadit.

– Heaittihit dan ođđa skuvlabiireortnega gal lea vejolaš go das ii leat makkárge geavatlaš mearkkašupmi. Vahkku dás ovdalis lei debáhtta Porsáŋggus. Mu mielas gal lei BB hirbmat eahpečielggas mo sii áigot heaittihuvvon skuvlla ja nuoraidskuvlladási fas álggahit. Gos sii áigot ruđaid viežžat, sii han dihtet gieldda heajos ruhtadili birra. Gos áigot sii máŋga miljovnna kruvnna viežžat. Eat mii sáhte váldit dearvvašvuođasuorggis dahje boarrásiidfálaldagas. Mu mielas lea hirbmat álki lohpidit ahte sii, Bb, áigot doalahit skuvllaid Billávuonas ja Bissojogas, muhto Bb ii daja mo sii áigot dan ruhtadit, lohká Porsáŋggu sátnejođiheaddji Knut Roger Hansen.

(Ášši lea ovdal almmuhuvvon báberaviissas 20.08.15)

-Almmuhus-