Logi jahkái ii leat bargguhisvuohta leamašan nu badjin go dál
Bargguhisvuohta ii leat leamaš ná allat 2005 rájes. Guovvamánus ledje 112 000 olbmo dieđihuvvon bargguhisvuhtii, ledje 10 000 olbmo eanet barggu haga go dan golmma mánu ovdalis. Nu čájehit logut Statistihkalaš Guovddášdoaimmahagas.
Bargguhisvuohta lea lassánan miessemánu rájes ja guovvamánu dán jagi lei alimus lohku 2005 rájes. Dalle lei bargguhisvuohta 4,3 proseanta bargoveagas.
Jagiid 2007 ja 2008 lei bargguhisvuohta unnon ja lei dušše 2,4 proseanta.
Lassáneapmi maŋemus mánuid čájeha ahte ollugat leat barggu haga guhkit áigge. Guhkit áigge bargguhisolbmot leat lassánan 29 proseantas diimmá rájes 38 prosentii vuosttaš kvartálas dán jagi.
Barggolašvuohta Norggas lei guovvamánus 68,2 proseanta geat leat gaskkal 15 – 74 jagiin. Lohku lea njiedjan skábmamánu rájes diimmážis. (©NTB)
