Samovarteáhter lea okta sis geat ožžo vuosttaš Barentsstipeandda kulturovttasbarggu ovddas rastá ráji.
Samovarteáhter lea okta sis geat ožžo vuosttaš Barentsstipeandda kulturovttasbarggu ovddas rastá ráji.
Ođđa stipeandda juolluda Barents euroárktalaš ráđi bargojoavku «Joint Working Group of Culture», mas leat olbmot earret eará golmma davimus fylkkasuohkanis.
– Samovarteateret lea olu jagiid bargan mearkkašahtti teáhterbarggu Norggas ja Ruoššas. Sii atnet máŋga giela sihke ovdanbuktimiin ja go gulahallet viiddis ovttasbargofierpmádagas, ja ánssášit duođas dán bálkkašumi.
Nu dadjá Finnmárkku fylkkagieldda doaibmi kultur- ja birashoavda Stine Qvigstad Jenvin preassadieđáhusas.
10 000 ruvnno
Válljejuvvo okta vuoiti guđege riikkas Barentsguovllus. Ruoŧas vuittii Mona Mörtlund, Suomas Jaakko Heikkilä ja Ruoššas fas «Foundation to support and develop ethnocultural initiatives».
Stipeanda lea 10 000 euro, ja galgá ovddidit ođđa álggahemiid ja maid oktasaš arenaid ja deaivvadanbáikkiid anu, dáiddalaš ja kultuvrralaš ovdáneami nammii Barentsguovllus. Samovarteateret ruhta galgá duohtan dahkat «Veien til Petrozavodsk» -prošeavtta, mas Karelia lea guovddážis.
