-Almmuhus-
OĐĐASATBarents-guovllu fidnofága­gilvu lági­duvvo digitála­laččat

Barents-guovllu fidnofága­gilvu lági­duvvo digitála­laččat

-

-

Njukčamánu 23. beaivvi lágiduvvo internationála fidnofágagilvu ArcticSkills 2021 digitálalaččat.

 Gilvu dáhpáhuvvá 15 iešguđetge fidnosuorggis, earret eará dearvvašvuođafágas, elektronihkas, vuojánteknologiijas ja vuoktačuohppifágas. Geahččit sáhttet geahččat gilvvu ArcticSkills neahttasiiddus.

– Diibmá galggai gilvu lágiduvvot min skuvllas Badje-Durdnos oassin min 50-jagi ávvudeamis, muhto šluhttejuvvui pandemiija dihtii. Mii leat movttegat leat lágideaddjin gilvui ovttas Gränsälvsgymnásain, go gilvu vuosttaš geardde lágiduvvo digitálalaččat, dadjá Utbildning Nord direktevra Leif Lahti preassadieđáhusas.

ArcticSkills lea Barents-guovllu fidnofágagilvu. Gilvaleaddjit bohtet iešguđetge skuvllain Davvi-Ruoŧas, Norggas, Suomas ja Ruoššas mat fállet fidnofágaid joatkkaskuvllas.

Ulbmil ArcticSkillsan lea čájehit ja ovdánahttit nuoraid fidnomáhtu ja ovddidit ovttasbarggu Barents-guovllu ovttasbarggu.

-Almmuhus-