-Almmuhus-
-Almmuhus-
OĐĐASAT Báŋko­filiálaid heaitti­heapmi ođđa áššin

Báŋko­filiálaid heaitti­heapmi ođđa áššin

-

-

Nordkalottfolket áirras Toril Bakken Kåven bivdá Sámedikkis veahki bisuhit báŋkofilialaid Davvi-Norggas.

Nordkalottfolket bivdá Sámediggeráđi ovttas Romssa ja Finnmárkku fylkkadikkiin ásahit gulahallama Seastinbáŋku 1 Davvi-Norggain, vai sihkkarastit ahte dehálaš báikkálaš gelbbolašvuohta váldo vuhtii ja boahtá buorrin doaresbealguovlluide maiddái boahtteáiggis.

Nordkalottfolket bellodat lea dieđihan dan ođđa áššin Sámedikki dievasčoahkkimis.

– Dat dagaha stuora hástalusaid, ii dušše sidjiide geat eai vel geavat báŋkku digitála bálvalusaid, muhto sáhttá maiddái dagahit ahte báŋkobálvalusat masset dehálaš dieđuid báikkálaš opmodatmárkana, bargomárkana ja servodateallima birra. Dat leat dieđut mat máŋgga oktavuođas leat leamaš mearrideaddjin ásahemiin ja lihkostuvvamis sihke priváhta dásis ja ealáhusdásis doaresbealguovlluin, čállá Bakken Kåven.

- Advertisement -
-Almmuhus-