Bane Nor ii diehtán sii leat rihkkon lága go togastašuvnnain eai leat sámegillii šilttat. Dál lohpidit njulget dán.
Bane Nor ii diehtán sii leat rihkkon lága go togastašuvnnain eai leat sámegillii šilttat. Dál lohpidit njulget dán.
Ruovdemáđiijadoaimmahat Bane Nor ii loga diehtán sii leat guhká rihkkon lága go ii ovttage togabisánanbáikkis leat šilta sámegillii, vaikko doppe leat sámegiel báikenamat, čállá NRK Sápmi.
Mieđiha rihkkon lága
Báikenamaid váiddalávdegoddi celkkii ge ahte Bane Nor rihkku dás lága.
Báikenammalága mielde galget sámi ja kveana namat, maid olbmot guovllus atnet, adnot kárttain, šilttain dahje eará registariin oktan dárogiela namain jus dat gávdno.
– Mii šállošit go eat leat čuvvon lága nugo leat geatnegahtton, dadjá Bane Nor stašuvnnaid direktora Knut Øivind Ruud Johansen NRK:ii.
Dát bisánanbáikkit galget sámegillii
Son muitala ahte sin juristtat leat gávnnahan leat oktiibuot gávcci togastašuvnna maidda Bane Nor dál ferte bidjat nuppi šiltta:
Bådåddjo, Fuossko, Luonosvágge, Maajehjaevrie, Snååse, Áhkánjárga, Ruoppat ja Bonjovárri.
