-Almmuhus-
OĐĐASAT– Bálvalusmávssut borret ealáhatruđa man seasttát

– Bálvalusmávssut borret ealáhatruđa man seasttát

-

-

Geavaheaddjeráđđi váruha alla bálvalusmávssuin go seasttát sierra ruđa iežat ealáhahkii. Jus bijat 40 000 ruvnno juohke jagi 25 jagi, de šattat maid máksit 110 000 ruvnno bálvalusmávssu.

Geavaheaddjiráđi fágačeahppi, Geir Ormseth, dadjá NRK:i ahte báŋkkut eai muital dáid bálvalusmávssuid birra.

– Proseanttat maid mákset jahkásaččat, eai oro bahát ge, muhto dat borret seastinsupmi jagis jahkái, ja dan dihte šaddá dát supmi oalle allat. Dan birra eai muital nu beare jitnosit, dadjá Ormseth.

 

Hálddašangolut

Storebranda ealáhatekonoma Knut Dyre Haug ii mieđa dasa.

– Vuosttažettiin ii leat nu alla supmi. Leat unnán golut dan buktagis. Das leat dušše hálddašangolut, ja dat leat dušše golut go hálddašit ja raporteret kundarii ja eiseválddiide, lohká Dyre Haug.

Individuála seastin ealáhahkii lea ođđa ortnet mas sáhttá seastit gitta 40 000 ruvnno jagis unnimusat 18 jagi. Seastinsupmi sáhttá áramusat geavahit go deavdá 62 jagi.

(©NTB)

-Almmuhus-