Ohcanveahka leat ohcan dievddu gean navdet fierran skohteriin ja heavvanan merrii Fálesnuori suohkanis.
Ohcanveahka leat ohcan dievddu gean navdet fierran skohteriin ja heavvanan merrii Fálesnuori suohkanis.
Politiijat jáhkket ahte dievdu gii lea birrasiid 50 jagi boaris, lea duššan merrii maŋŋel go lea fierran skohteriin Fálesnuoris, Borssi báikki lahkosis.
Maŋemus oidnon lávvordaga
Dievdu lea maŋemusat oidnon lávvordaga, ja disdateahket dieđihedje su fuolkkit albma lahppon. Gaskavahkku leat ohcan dievddu, ja gávdne maid su skohtera mearas go čájehuvvo ahte lea vuodján luotta badjel ja geavvan merrii.
Skohtera gávdne sullii 3 km Saraby báikkis Fálesnuori guvlui 10 áigge gaskavahkku iđit.
Govven: Bjørn Egil Jakobsen.
Status rievdan ohcamis
Duorastaga ohcet ain lahppon dievddu, ja operašuvdnaguovddážis ii leat mihkkege ođas muitalit ohcanakšuvnnas go Ávvir riŋge. Politiijat ballet dievddu duššan, muhto ohcet ain viidáset.
– Mii leat ohcan gáddeguora gos jáhkkit skohtera geavvan merrii, ja ohcat sihke Saraby guvlui ja Neverfjord guvlui, muitala politiijabálvá Alexander Aule gii lea leamaš goappaš beivviid ohcame albmá.
