42 proseantta Norgga smávva fitnodagain soitet reastaluvvat jos dilli ii buorrán ovdal geasi.
Dán čájeha SMB Norge iskkadeapmi.
– Dát iskkadeapmi nanusmahttá gova ahte lea heahti fitnodat-Norggas. Ballat oaidnit ođđa reastaluvvamiid vahkuin ja mánuin mat bohtet, dadjá SMB Norge hálddáhusdirektevra Olaf Thommessen.
SMB Norge hoavda oaivvilda ahte lea dehálaš čuokkis ahte dát iskkadeapmi dahkkui beivviid maŋŋel go Stuoradiggi dohkkehii heahteveahkepáhka ealáhussii.
– Heahteveahkepáhkka lei áibbas dárbbašlaš ja buorre álgu. Muhto dát iskkadeapmi čájeha čielgasit ahte lea eambbo dárbu veahkkái boahttevaš vahkuin ja mánuin, dadjá Thommessen.
