-Almmuhus-
OĐĐASATBallet eana guorbá turista­guovlluin

Ballet eana guorbá turista­guovlluin

-

-

Norsk Friluftsliv searvi ballá luonddu gillát go nu olu norgalaččat muitalit váras Ipsos iskosii ahte sii áigot fitnat dán geasi Lofuohtas ja eará beakkán turistabáikkiin. – Sáhttá guorbadit eatnama, váruha Norsk Friluftsliv.

Ipsos lea iežaset váras oaiviliskamis jearran ollesolbmuid miehtá Norga gosa olbmot áigo dán jagi dollet lupmui. Okta juohke logát olbmos muitala jáhkimis fitnet Lofuohtas dán geasi. Gaskal 255.000- 300.000 norgalačča muitalit sii áigot fitnat Lofuohtas, dahje Telemárkku-kanálas dahje Geirangeris.

Oktasašsearvi Norsk Friluftsliv lea ilus go ná olusat háliidit fitnat meahcis ja vásihit olggustallama. Muhto logut lea vuorjašuhttit searvvi mielas.

– Lea somá go nu olusat háliidit vásihit Norgga čáppa luonddu, muhto jus buohkat bahkkejit seamma báikái oanehis geasis, de váikkuhit olu olbmot sihke nuoskkideapmái ja eatnama guorbamii. Jus lagabui bealle miljovnna olbmot galledit Lofuohta iežaset geasseluomus, de ii leat buorre, lohká Norsk Friluftsliv váldočálli  Lasse Heimdal preassadieđáhusas.

Buot buoremus livčče su mielas ahte eai buohkat dolle seamma báikái ja Norga lea stuoris. Heimdal muittuha Norgga buohkaidrievtti jurdaga ahte ii olbmos eai galgga báhcit luottat ja dat guoská maid iežas doabbariid fárrui váldit. 

-Almmuhus-