-Almmuhus-
OĐĐASATBallá Guovdageainnu gártat Álttá vuollái

Ballá Guovdageainnu gártat Álttá vuollái

-

-

Sáhttet ovttain peannasárgáin mearridit dán, ballá Bargiidbellodat.

Guovdageainnu Bargiidbellodaga (Bb) sátnejođiheaddjievttohas Johan Vasara dat fuolastuvvá suohkan boahtteáiggi geažil.

Sivvan dasa lea go golbma stuorámus bellodaga suohkanstivrras eai leat vel mearridan maid oaivvildit suohkanovttastahttináššis, vaikke dál ii leat go golbma mánu vel gielddaválggaide.

 

Bb ii hálit Álttá vuollái

Guovdageainnu Bb meannudii gieskat iežaset bellodatprográmma, ja bellodat oaivvilda suohkana ain galgat bissut iešheanalaš sámesuohkanin.

– Mii leat fuolas. Golbma stuorámus listtu leat nu stuorrát ahte ovtta peannasárgáin sáhttet meannudit ovttastuvvot Álttáin. De lea oba váidalahtti jus eat olle digaštallat ovdal, dadjá Johan Vasara, Altapostenii.

 

– Massit bargosajiid

Bb lea eahpádusas ja ballet Guovdageainnu massit bargosajiid, dasa lassin ballet vejolaš suohkan-ovttasteamis váikkuhusaid maiddái areálahálddašeapmái, sámegillii ja -kultuvrii.

– Suohkan dakkaviđe massá unnimusat 50 bargosaji. Dušše dat sáhttá mielddisbuktit ahte suohkanis geahppu bearašlohku viđalogiin, ja dat lea hui duođalaš, dadjá Vasara.

-Almmuhus-