-Almmuhus-
-Almmuhus-
OĐĐASAT Ballá doares­beal­guovlluid manahit «korona­ruđaid»

Ballá doares­beal­guovlluid manahit «korona­ruđaid»

-

-

Fylkkaráđđi Anne Toril Eriksen Balto lohká gielddain ja fylkkagielddain lea stuorra dárbu ahte korona-páhkat mannet ulbmilmearriduvvon doaimmaide.  

Romssa ja Finnmárkku plána, ekonomiija ja kultur fylkkaráđđi, Anne Toril Eriksen Balto (Guovddášbellodat) lei mannan vahkus Stuorradikke gielddalaš- ja hálddahuslávdegotti gielddaproposišuvnna gulaskuddamis, čállá fylka ruovttusiiddustis.

Gieldda- ja ođasmahttindepartemeanta rehkenastá ahte fylkkagielddain leamaš golbma miljárdda kruvnna ovddas lassigolut ja manahuvvon tienas 2020:s Covid-19 dávdda dihtii maid ferte buhtadit. Ruhta maid ráđđehus evttoha, lea birrasii golbma miljárdda kruvnna buhtadeaddji doaimmaide, maidda eanaš osiide viežžá vuolebuš bálká- ja haddegoargŋumis, lassin njuolga buhtadussan johtalussii mii manahii tietnasa.

Balto čilge buhtadusortnet áimmahuššá nationála dárbbu, muhto ii gielddaid ja fylkkagielddaid tienasmassimiidda. 

– Dás ferte ruhta biddjot juohke gieldda ja fylkkagieldda dárbbu mielde. Mii ballat doaresbealguovllu gielddat manahit ruđaid guovlluide gos olu olbmot ásset.  Mii oaidnit buhtadus johtolahkii deaivá bures ja nu galggašii leat buot ortnegiid dáfus, lohká fylkkaráđđi Anne Toril Eriksen Balto.

- Advertisement -
-Almmuhus-