Lea go láddár báhkas dahje guvggodan? Bálkes dan, dahje lonut, rávve dáhkádusfitnodat.
Lea go láddár báhkas dahje guvggodan? Bálkes dan, dahje lonut, rávve dáhkádusfitnodat.
Unnit elektrovnnalaš rusttegat lassánit jagis jahkái, ja seammás lassánit daid rusttegiid láddárat.
Dat lea maid dagahan ahte measta-lihkohisvuođat, smávit buollimat ja viessobuollimat leat lassánan.
– Olbmuin sáhttet ártegis láddenstašuvnnat ruovttuin, muhtumat leat njuolgut várálaččat, lohká Øystein Øren, Frende dáhkádusfitnodagas.
Váruhit vai ii buollá
Maŋemuš jagiid leat batteriijaláddárat dagahan birrasii golbmalogi viessobuollima.
Øren rávve ahte ferte láddet dakko gokko vuloš ii sáhte buollát.
Dávjá leat eahpeoriginála láddárat mat buollájit, muhto maiddái stuora fitnodagat, nu go Apple, leat šaddan ruovttoluotta gohččut fas olu láddáriid.
Ávžžuhit iskat ja čuovvut mielde
Oslo buollinveahka lea okta dain mat leat várohan sin geat telefovnnaid ja neahttaduolbbaid láddejit.
– Leage gozuid alde go láddet, lea sin čielga diehtu.
Frende buollinekspearta rávve iskat láddára dávjá, ja jus leat báhkkanan, de sáhttá buollát.
– Iskka lea go erenoamáš báhkas, jus elektrovnnalaš rusttegat leat billahuvvan, de fertet divuhit dahje bálkestit dan, lohká Øren.
