-Almmuhus-
OĐĐASATBalddáskan go mearajieŋas gávdnui plastihkka

Balddáskan go mearajieŋas gávdnui plastihkka

-

-

Norgga polárainstituhtta almmuhii mánnodaga iskosa mas muitaluvvo ahte plastihkka lea gávdnon ábis davvin. Dutkit lohket dan leat balddihahtti gávnnusin.

Dasa lassin go plastihkat ja ollu eará ruskkat leat Svalbárdda gáttiin, de leat maid gávdnan plastihkaid ábis gaskal Ruonáeatnama ja Svalbárdda, dieđiha NRK.

Maiddái Barentsábi mearrabotnis ja mearas leat gávdnon plastihkkabázahusat.

 

Mikroplastihkka

Instituhta dutkit muitalit ahte maid ahte lea sáhka birrasii 194 doapparobjeavttas juohke kvadráhtakilomehteris. Oktiibuot leat rehkenastán leat 79 000 tonna doabbara mearas, ja eanaš oassi lea plastihkka.

– Dat leat dat unna binná bihtážat, mat leat unnibut go millimehtera, vurjet min buot eanemusat. Dutkit eai dieđe nu ollu maid dakkár plastihkkabihtážat dahket lottiide ja elliide, lohká Ingeborg Hallanger NRK:i.

Son muitala ahte plastihkka ii jávkka luonddus, muhto šaddá mikroplastihkkan. Dat leat plastihkkabihtážat mat leat unnibut go vihtta millimehtera.

 

Mannet gitta merrii

Mikroplastihkka gávdno buktagiin, nu go ovdamearkka dihte bátnebussenvuoidasiin, liikevuoidasiin, čábbudahttinvuoidasiin ja eará diŋggain.

Maiddái biktasiin sáhttet leat plastihkkabihtážat mat beasadit go daid bassá. Dakkár moalut eai bissehuvvo kloáhkas, ja mannet viidáset merrii.

(©NTB)

-Almmuhus-