Politiijat leat váldán gitta golbmasa, Suorttáin, Viestterállasis, go balahit rihkusášši dáhpáhuvvan maŋŋel go okta 19-jahkásaš nissonolmmoš gávdnui jápmán gaskavahku čuovganeapmái.
Politiijat leat váldán gitta golbmasa, Suorttáin, Viestterállasis, go balahit rihkusášši dáhpáhuvvan maŋŋel go okta 19-jahkásaš nissonolmmoš gávdnui jápmán gaskavahku čuovganeapmái.
Nordlándda politiijaguovllu politiijajurista Torgeir Kvitvik duođašta áššáiduhttimiid.
Bággu dutkat ášši
Lei okta sis gii lea áššáiduhtton, gii dieđihii dáhpáhusa birra. Gaskavahku beaivet áššáiduhttojit sihke son gii dieđihii dáhpáhusa birra, ja guokte eará olbmo.
– Mis lei dárbu eanet dieđuid oažžut olbmuin geat ledje fitnan báikkis, mii šattai vuođđun áššáiduhttimii. Jápmindáhpáhus lea dakkár ášši man mis lea bággu dutkat, lohká Kvitvik NTB:i.
Dat golmmas leat áššáiduhtton go leat olbmo guođđán heahtedillái. Ii lean vuođđu áššáiduhttit dan golbmasa veahkaválddálašvuođa ovddas mii lea dagahan jápmima, deattuha Kvitvik.
Duorastaga dieđihit politiijat ahte leat luoitán dan guoktása mannat, muhto doalahit ain gitta su gii dieđihii jápmima birra.
Obduserejuvvo
Politiijajurista ii áigon gaskavahku muitalit sohkabeali sus gii gávdnui jápmán, ii ge sohkabeali áššáiduhtton olbmuin, ii ge agiid.
Duorastaga dieđihuvvo ahte jápmán olmmoš lei 19-jahkásaš nissonolmmoš.
Politiijat áigot almmuhit ođđa preassadieđáhusas duorastaga beaivvi mielde. Politiijat leat dutkame vihtaniid, ja jápmán olbmo áigot duorastaga obduseret.
(©NTB)
