Bihtán politiijat leat váldán gitta guokte dievddu geaid ballet geahččalan goddit olbmo ja roasmmohuhttit earáid.
Bihtán politiijat leat váldán gitta guokte dievddu geaid ballet geahččalan goddit olbmo ja roasmmohuhttit earáid.
– Dievddut leaba gaskkal 20 ja 30 jagi boarrásat, ja leaba politiijaid hálddus dál, dieđiha Norrbotten politiijaguovlu sin neahttasiiddus sotnabeaivvi iđit diibmu 08.57.
Dáhpáhus galgá geavvan lávvordaga čuovganeapmái go politiijat ožžo dieđu hirbmat rieja ja doarruma birra muhtin ásodagas Bihtánis Ruoŧas.
Máŋggas šadde buohccivissui go ledje roasmmohuvvan dáhpáhusas.
Disdaga dahkko mearrádus
Sotnabeaivvi dieđihit politiijat ahte sii balahit ovtta dain guovtti dievddus geahččalan goddit muhtin olbmo, ja nuppi balahit illástan earáid.
Disdaga diibmu 12s mearriduvvo váidoba go dievdduguoktá, vai beassaba go friddja mannat.
– Politiijat guorahalle báikki lávvordaga, ja sotnabeaivvi jotket vihtaniid dutkat. Okta olmmoš lea buohcciviesus, ja ii leat heaggavárra, dieđihit politiijat.
