Lieggagrádat Finnmárkku duoddaris ii leat dábálaš juovlamánus nu go dál, ja Hammerfeastas lea álttagastán maŋŋebárgga.
Lieggagrádat Finnmárkku duoddaris ii leat dábálaš juovlamánus nu go dál, ja Hammerfeastas lea álttagastán maŋŋebárgga.
Dálki maŋemus beivviid lea leamaš earálágan go dat mii lea dábálaš juovlamánus. Bivvalat, bajándálki ja heajos siivu lea dál, beivviid ovdal juovlaruohta.
Meteorologalaš Instituhta dálkekárta čájeha bajándálkki sihke Romssa gávpogis ja Hámmárfeasttas disdaga beaivet.
Rittus dieđihuvvo disdahkii garra biegga, borga ja arvi. Sis-Finnmárkkus ja Nuorta-Finnmárkkus šaddá disdateahkedis oalle fiertu.
Gaskavahkkui dieđihuvvo riđđu muhtin báikkiin Finnmárkkus. Sáhttá šaddat balvadálki ja veahá fiertu. Eahkedis boahtá veahá borga dahje šlahtti.
Duorastaga lea lullebiegga mii dieđihuvvo riđđun muhtin guovlluin. Rittus dieđihuvvo arvi ja šlahtti, muhto eanaš áiggi lea fiertu.
