Otne leai beassášcrossa Gáhkkormaras crossašilljus Guovdageainnus. Gilvvuin ledje guhtta luohká, ja vudje guokte vuoru. Lágideaddjisearvvi iežaset vuoddjit eai lihkostuvvon gilvvuin, ja suoma bealde vuoddjit vuite measta buot luohkáid.
Otne leai beassášcrossa Gáhkkormaras crossašilljus Guovdageainnus. Gilvvuin ledje guhtta luohká, ja vudje guokte vuoru. Lágideaddjisearvvi iežaset vuoddjit eai lihkostuvvon gilvvuin, ja suoma bealde vuoddjit vuite measta buot luohkáid.
Skohtercrossa berošteaddji, ja gilvvuid «speaker» Svein Ole Sandvik lea guhkit áigge čuvvon skohtercrossa, lohká gilvvut eai leat nu ollu rievdan.
– Mun ledjen mielde mohtorsearvvis 25 jagi áigi ja ii leat nu ollu rievdan. Vuodjin lea juste seamma ja njuolggadusat leat veaháš rievdan. Dat mii lea rievdan lea ahte dál leat proffa joavkut, ja vuoddjit váldet hui duođas daid gilvvuid. Dat hárjehallet, leat sierra mekanihkkarat ja buot hui profeššuneallat. Vuoitit dain stuorimus luohkáin, Kristoffer Holm ja Aki Pihalaja leaba liige buoremusat, go sudnos lea goappásnai joavku birra mat ordnejit visot. Dat leage dat mii lea eanemus rievdan ovdalaš áigge rájes.
Eanet hárjehallat
Sandvik lohká maid Guovdageainnu báikkálaš vuoddjit fertejit eanet hárjehallat jus gal nákcet gilvalit daiguin buoremusaiguin.
– Ii ábut dušše vuoddjit skohteriin, ferte maid váldet dan fysalaš beali maid, namalassi viehkat vai oaččo buoret vuoimmi ja veahá dehkiid hárjehallat ja gievrudit iežas, lohká Sandvik.
(Ášši joatká gova vuolobealde)
Bohtosat
Nuorat 12-14 jagi
1.Niko Rimala, LaMk
2.Otto Hyvarinen, LaMk
3. Johan Andre Utsi, Leavdnja
Nuorat 14-16 jagi
1. Topi Posti, LaMk
2. Tobias Rasmussen Holm, Ráisa mohtorsearvi
3. Martin Mjelde Muller, Hammerfeasta
Semi Pro
1. Sami Huttunen, LaMk
2. Niki Kumpulainen, EtMk
3. Alex Sirkka, EtMk
(Ášši joatká gova vuolobealde)
Woman/ Nissonluohkká
1. Malene Trosten Andersen
Pro Stock
1. Kristoffer Holm, Ráissa Mohtorsearvi
2. Aki Pihalaja, LaMk
3. Martin Moland, Álttá muohtaskohter searvi
(Ášši joatká gova vuolobealde)
Pro Open
1. Aki Pihalaja, LaMk
2. Kristoffer Holm, Ráissa mohtorsearvi
3. Marius G. Nord, Álttá muohtaskohtersearvi
Gilvvuid bottus vudje ges buot unnimus mánát, maid gohčodit «knøttecross». Gilvvuin lei maid luohkká mánáide geat leat gaskal 9 ja 11, muhto dat lei gitta luohkká iige lean oassin gilvvuin. Dan luohkás ledje golbma vuoddji mielde, Jan Even Romsdal, Johan Mathias K. Hætta ja Mathias Vars Hætta.
Eanet ságaid Guovdageainnu beassášcrossa birra logat boahtte vahkku Ávvira báberáviissas.
