-Almmuhus-
-Almmuhus-
-Almmuhus-
SMÁVVAOĐĐASATBáikkálaš TV- ja rádiokanálat ožžot ovcci miljovnna ruvnno doarjjan

Báikkálaš TV- ja rádiokanálat ožžot ovcci miljovnna ruvnno doarjjan

-

-

Oassi 9,2 miljovnna kruvnna doarjagis manná TV- ja radioprográmmaide mat galget gokčat válgga iešguđet beliid  čakčat. – Doarjja galggašii nannet báikkálaš demokratiija ja mediamáŋggabealatvuođa miehtá riikka, lohká Mediabearráigeahču juridihkalaš ja regulatoralaš direktevra Hanne Nistad Sekkelsten.

Mediabearráigeahčču galgá dán jagi juohkit oktiibuot 22 miljovnna kruvnna báikkálaš áibmomediaide. Árabut dán jagi ožžo báikkálaš rádiot 12.2 miljovnna kruvnna doaibmadoarjaga báikkálaš áibmomedia doarjjaortnegis maid Mediabearráigeahčči hálddaša, dieđiha dat preassadieđáhusas.

Dán vuoru manná eanaš oassi doarjagis nannet báikkálaš rádioid ja báikkálaš-TV:id prográmmafálaldaga. Meadiabearráigeahčču juolluda oktiibuot 5,2 miljovnna kruvnna doarjjan 61 báikkálaš prográmmabuvttadeapmái, 47 rádioprográmmii ja 14 báikkálaš lokal-tv-prográmmii. Ovdamearkka dihtii oažžu Radio DSF 50 000 kruvnna buvttadit prográmma «Beaivválaš osku» ja dat oažžu maid 50 000 kruvnna buvttadit prográmma «Sámi vuoiŋŋalašvuohta ovdal ja dál». 

Olu prográmmat, mat ožžot doarjaga, galget gokčat iešguđet beliid gieldda- ja fylkkadiggeválggain boahtte čavčča, nu go válgagičču, áigeguovdilis ođđasiid, debáhtaid ja oaiviliskkademiid. Mediabearráigeahčču doarju maid DAB-huksema guovlluide gos ii leat DAB. 

-Almmuhus-