Báikkálaš fitnodagat gilvalit beassat hukset FeFo ođđa váldokantuvrra. Sis leat olu Finnmárkku fitnodagat fárus vulobeale fállin.
Báikkálaš fitnodagat gilvalit beassat hukset FeFo ođđa váldokantuvrra. Sis leat olu Finnmárkku fitnodagat fárus vulobeale fállin.
FeFo bovdii ođđajagemánu álggus fálaldatgilvui hukset ođđa váldokantuvrra Levdnjii. Vihtta huksenfitnodaga ledje buktán fálaldaga go gilvovuorru nogai guovvamánu 24. beaivvi, čállá FeFo preassadieđáhusas.
– Haddi njiedjan
Fitnodagat mat leat buktán fálaldagaid leat Álttá fitnodagat, ja buohkain leat fárus báikkálaš ja guovllu vuollelágideaddjit iežaset fálaldagain.
– Mis lea buorre jáhkku ahte olahit bušeahta. Čájehuvvo ahte heiveheamit, maid mii leat dahkan, dagahit ahte haddi njiedjá, vaikko leage ollislašhuksen, juoga mii lea divrasit go maŋemus válljiimet, lohká FeFo stivrajođiheaddji ja huksenlávdegotti jođiheaddji Raymond Robertsen.
Dat vihtta fitnodaga leat:
- Nord Norsk Bygg as
- Byggmester Bengt Anderssen as
- SB2 Utvikling as
- T. Johansen Drift as
- Ulf Kivijervi as
