-Almmuhus-
SMÁVVAOĐĐASATBaikabakteara gávdnon bivnnuhis vuojadanbáikkis Davvi-Ruoŧas

Baikabakteara gávdnon bivnnuhis vuojadanbáikkis Davvi-Ruoŧas

-

-

Luleju gielda váruha gussiid vuojadit čázis dassái leat ráidnen čázi ja ožžon vástádusa ođđa čáhceiskkosiin.

First Camp Arcus Luleju gohttenbáikkis, Ruoŧas, leat váldán čáhceiskkosiid mat čájehit alla baikabakteara-árvvuid.

Ođđa čáhceiskosat leat váldon borgemánu vuosttaš beaivvi muhto Ruoŧa Mearra- ja čáhceeiseválddit (Havs- och vattenmyndigheten) eai leat gaskavahkku vel ožžon vástádusa iskosiin.

Baikabaktearat eai dábálaččat atte garra buozalmasvuođa, muhto go dákkár baktearat leat čázis de lea ballu ahte sáhttet eará baktearat dahje virusat čázis maiguin sáhttá buohccát. Danne váruha Luleju gielda olbmuid vuojadeames dán báikkis.

First Camp Arcus bargit galget dieđu ožžon bakteara birra ja galget galbbaid cegget báikái diehtun álbmogii, čállá Luleju gielda iežaset neahttasiiddus

-Almmuhus-