-Almmuhus-
-Almmuhus-
OĐĐASAT – Baicca ilus juohke evrre ovddas

– Baicca ilus juohke evrre ovddas

-

-

Sámediggeráđđi Ann Mari Thomassen mudde iežas ja lea baicca hui ilus juohke evrre ovddas maid Gurutbellodaga ja Kristtalaš Álbmotbellodaga evttohit lassin juolludit sámi áššiide iežaset molssaevttolaš stáhtabušeahtas.

Sámediggeráđi Ann Mari Thomassen áigu muddet dan maid dajai Ávvirii duorastaga Gurutbellodaga molssaevttolaš stádabušeahta birra. Son ii loga Sámediggeráđi nimmorit, ja leat baicca ilus juohke evrre ovddas maid Gurutbellodat lea lassin evttohan ráđđehusa bušeahttaevttohusa ektui.

– Gurutbellodaga evttohus addá eanet vejolašvuođaid Sámediggái doaladit dálá doaimmaid, go ráđđehusa evttohus dahká, ja dat lea illudahtti, lohká son.

 

Dehálaš čalmmustahttit

Thomassena mielas lea dehálaš čalmmustahttit bellodagaid main lea dáhttu ja háliidit eanet juolludit sámi áššiide. Son lohká maiddái Kristtalaš Álbmotbellodaga molssaevttolaš stáhtabušeahtas evttohit eambbo sámi áššiide go ráđđehusa evttohus.

– Sii evttohit njeallje miljovnna eanet Sámediggái, miljovnna nannet sámi bargui mii galgá eastadit givssideami ja evttohit juolludit golbma miljovnna ruvnno sámi oahppoplánaide.

 

Sávvamis eai jávkka

Dál leatge ráđđehusbellodagat, Olgeš, Ovddádusbellodat, Gurut ja Kristtalaš Álbmotbellodat álggahan stáhtabušeahta šiehtadallamiid.

– Sávvamis šiehtadallamiin eai jávkka dat buorit evttohusat, lohká Sámediggeráđi lahttu Ann Mari Thomassen.

- Advertisement -
-Almmuhus-