-Almmuhus-
-Almmuhus-
-Almmuhus-
OĐĐASAT– Báhtareaddjit eai loavtte dáppe

– Báhtareaddjit eai loavtte dáppe

-

-

Guovddášbellodaga sátnejođiheaddjievttohas ii hálit báhtareddjiid Mázii, go oaivvilda doppe lea beare láittas sidjiide.

*/

Guovdageainnu Guovddášbellodaga sátnejođiheaddji evttohas Inga J. Eira ii leat ovttaoaivilis Guovdageainnu Sosialisttalaš Gurutbellodagain go árvalit báhtareddjiid

 Máze ássan- ja bálvalusguovddážii. Eira oaivvilda dat galgá geavahuvvot masa lea huksejuvvon.

  – Mun gal meinen dat vistti galgá leahkit boaresolbmuid váras, ja dainna áššiin áigot mii bargat dan ala ahte suohkan galgá fas nagodit doaimma oažžut dohko.

Ii vuosttá báhtareddjiid

Guovdageainnu suohkanstivra leage dáhkan mearrádusa ahte eai váldde báhtareddjiid Guovdageidnui. Eira ii leat vuostá dasa ahte Guovdageaidnu galgá váldit báhtareddjiid, muhto oaivvilda maid ahte suohkan ii leat justa dál vel gearggus dasa.

  – Dieđan dieđusge daid doarjjaortnegiid birra mat čuvvot báhtareddjiid, ja livčče buorre báhtareddjiide boahtit ráfi báikái Mázii. Muhto ii han Mázes leat bargu iige leat mihkkege maid homme, ja danne eai dáidde loaktit. Go ii leat bargu doppe, maid de galget johtit ovddas maŋos bargui, lohká Eira.

Ii dušše dohppet bargguid

Eira lohká maid gullán ahte Guovdageainnu suohkanis gávdnojit barggut, muhto eai olbmot eai gille bargat.

 – Mun lean ieš leamaš bargoohccin dáppe, ja dieđan bargguid ii leat dušše dohppet.

Loga maiddái: 

http://avvir.no/guovdageaidnu/2015/08/sahttit-juobe-logi-heakka-ge-gadjut

http://avvir.no/guovdageaidnu/2015/08/buresboahtin-buot-olgoriikkalaccaide-dusse-ii-fal-bahtareddjiide

-Almmuhus-