Dálkedieđáhus čájeha ain čáppa geassebeivviid Sis-Finnmárkkus.
Vaikko geasset lea leamaš earenoamáš báhkka, de ii leat vel áibbas nohkan. Yr.no neahttabáiki dieđiha ain báhkka ja čáppa dálkki Sis-Finnmárkkus dán vahkku, ovdal go arvigoahtá.
Gaskavahku galgá leat dat báhkkaseamos beaivi, dalle dieđihuvvo Kárášjogas 26 lieggaceahki, ja Guovdageainnus ges 23 lieggaceahki. Beaivváš galgá báitit ja ligget ain bures.
Bearjadaga galgá sihke Guovdageainnus ja Kárášjogas arvigoahtit, ja temperatuvra maid de njiedjá vuollel 20 lieggaceahkkái.
