-Almmuhus-
-Almmuhus-
-Almmuhus-
OĐĐASATBáhčaveajis besset illudit go luodda divoduvvo

Báhčaveajis besset illudit go luodda divoduvvo

-

-

Mannan duorastaga deaivvadii Finnmárkku fylkkagielda Mátta-Várjjaga gielddain ságastallat Báhčaveaji fylkkageainnu 885 barggu birra.

Čoahkkimis ságastalle váttisvuođaid mat leat fylkkageainnu divodemiin, ja deattuhuvvui proseassa viidáset.

– Lei hui ávkkálaš čoahkkin. Báhčaveajis leat váivašuvvan luottaid dihte ja dat lea duohta dilli min mielas. Álbmotčoahkkinm mii lei geassemánus Svanviikkas, ja dát čoahkkin mannan duorastaga, lei lávki rievttes guvlui, dadjá Finnmárkku fylkkagieldda johtolaga váldolávdegoddejođiheaddji Geir Ove Bakken.

 

Vuoruhuvvon luoddabihttá


Mátta-Várjjaga várresátnejođiheaddji Lena Bergeng ja johtolaga váldolávdegotti jođiheaddji Geir Ove Bakken ságastalaiga 885 fylkkaluotta birra mannan vahkku. Govven: FFK/Ina Eliassen
 

Dán jagi álgá luoddadivodeapmi Báhčaveajis ja joatká boahtte jagi.

– Luodda lea vuoruhuvvon luoddabihttá. Lea sáhka stuora supmiid birra, ja mun sávan ahte bohtosat oidnojit álbmogii, muitala Bakken preassadieđáhusas.

-Almmuhus-