-Almmuhus-
-Almmuhus-
-Almmuhus-
OĐĐASATBáhčaveajis ain ohcamin

Báhčaveajis ain ohcamin

-

-

Girkonjárgga politiijat leat dál Báhčaveajis ohcamin dan guovllus gos bearjadaga gávdne olbmobázahusaid. Politiijat navdet dát leat Kaisa Beddari bázahusat gii láhppui dán guovllus 2013:s.

Girkonjárgga politiijastašuvnna jođiheaddji Hans Møllebakken lohká sii jotket ohcama dan guovllus gos leat gávdnon olbmobázahusat.

 

Eai leat vuos identifiseren

Olbmo identitehta ii leat čielggas, muhto Møllebakken lohká ahte lea lunddolaš iskat sáhttá go leat Kaisa Beddarii gii láhppui 2013:s lahka iežas ruovttu ja dán guovllus jávkkai ge gos dál leat politiijat ohcamin.

– Mii leat gávdnan olbmobázahusaid ja mii navdit leat Kaisa Beddari bázahusat, mii leat dál ohcamin dás lahkosis ja leat geahččamin gávdnat go eambbo, dadjá Møllebakken.

Son jávkkai 2013:s, ja lea áidna gii lea láhppon dán guovllus, ii ge leat gávdnon. Beddari lagamuččat leat ožžon dieđu gávdnama birra.

 

DNA iskosat

Politiijat leat váldán DNA iskosa daid olbmodávttiin maid leat gávdnan, iskan dihte lea go dát Beddari gean sii navdet leat.

– Dat ádjánit veahá guhkebuš go maid navddiimet, jus eat oaččus vástádusa dán vahkus dahje boahttevahkus, muhto dál fertet joatkit ohcama ja geahččat gávdnat go eambbo, lohká son.

Lei muhtun bivdi gii bearjadaga dieđihii politiijaide, ahte soaitá gávdnan olbmo bázahusaid. Patologalaš iskkadeapmi lea čađahuvvon, ja lea duođaštuvvon ahte leat olbmobázahusat.

-Almmuhus-