Oarje-Finnmárkku politiijain leamaš ollu bargu vássán vahkkuloahppa ja leat earet eará duoguštan «softgun» áibmobissu ja vuodjinkoartta olbmos, gii báhčalii eará biillaid guvlui vuojedettiin.
Oarje-Finnmárkku politiijain leamaš ollu bargu vássán vahkkuloahppa ja leat earet eará duoguštan «softgun» áibmobissu ja vuodjinkoartta olbmos, gii báhčalii eará biillaid guvlui vuojedettiin.
Lávvardaga lei muhtin biilavuoddji gii báhčalii iežas biillas «softgun» áibmobissuin eará biillaid guvlui vuojedettiin. Politiijat vudje olbmo čujuhussii ja duoguštedje su vuodjinkoartta ja áibmobissu.
Nákkáhallit
Lávvardaga ožžo politiijat dieđu guovtti ráfehis olbmo birra City scene nammasaš olgobáikkis, go eaba orro suovadeamen gaskaneaset. Politiijat fidne báikkis ja dilli lei ráfodan, muhto geahčaledje ohcat olbmo gii lei rigeren.
Lihkuhisvuohta
Hámmárfeasttas geavai biilalihkuhisvuohta, go biila jávkkihii badjel geainnu ja mas guovttis ledje mielde. Politiija, buollinveahka ja ambulánsa ledje báikkis.
Váldui gitta
Muhtin almmái 50 jagiin váldui gitta sotnabeaivvi čuovganeapmái, muhtin bartaguovllus Álttá suohkanis ja politiijat fertejedje dahkat dan vearjjuid vehkkiin.
Váidojuvvo
Muhtin 20 jahkásašges váidojuvvo, go lea sotnabeaivvi vuojašan mopedan lobiheamet vuodjinkoartta hága Porsáŋggu guovllus.
Suollagat jođus
Suollagat leamaš maiddái jođus sihke Álttás ja Hámmárfeasttas.
Ruoná Toyota Hilux 1981 modealla lea sotnabeaivvi dieđihuvvon suoláduvvon ja biilla dovdomearka lea ZP 24504. Politiijat bivdet cavgilemiid riŋgejuvvot telefuvdnii 02800.
Maiddái lea dieđihuvvon suola muhtin gálusjorris. Goappašagat juvllat ja áisá goalusjorris leat suoláduvvon. Dát galgá leat dáhpáhuvvan Riehpponvuonas olggobealde Skáiddi.
