Leago Ánte Johan Skum Sámi buoremus báhčči? Geahča filmma ja árvvoštala ieš.
Guovdageaidnulaš Ánte Johan Skum lea filbmen iežas báhčinčehppodaga. Filmmas oaidnit ahte son báhčá ja deaivá colaboksa mii lea badjel kilomehterbeali eret sus.
– Olmmoš galgá hárjehallat hui olu ja olbmos galgá buorre bissu, lohká son.
Báhčá ja deaivá 1800-1900 mehtera duohken
Skum lea mielde Troms langhold- og benkeskytterforening:as, dát báhčinbiras lea unni. Ánte Johan lea hárjehallagoahtán vai beassá searvat 500UNL gilvvuide.
– Guhkimus gaska maid lean báhčán ja deaivan lei sullii 1800-1900 mehtera, muitala son. Ánte Johan Skum lea maiddái bargamin ráhkadit filmmaža mas oaidnit go báhčá colaboksa kilomehtera duohken.
GEAHČA VIDEO:
