– Lea ovdamunni sihke bartaeaiggádiidda ja báikeolbmuide go bartahuksemat plánejuvvojit bures ja sáhtášii buktit buriid báikegottiide boahtte áiggis. Bagadallis leat olu buori rávvagat gielddaide ja huksejeaddjiide. Mun sávan dat šattašii ávkin buohkaide, lohká Gieldda- ja guovlluministtar Sigbjørn Gjelsvik.
Astoáiggeviesut leat dehálaččat olu norgalaččaide ja lea maid vuođđu olu guovllugielddaid ovdánemiide. Huksen- ja astoáiggeviesuid geavaheapmi lea ávkin sihke huksen-, gávpe- ja bálvalusealáhusaide. Muhto astoáiggeviesuid huksen sáhttá maid hejodit váikkuhit dehálaš luondduguovlluide ja sáhttá maid váikkuhit almmolašvuođavuoigatvuhtii, bivdo- ja astoáiggeberoštumiide, maiddái lasihit fievrredeami ja energiijageavaheami. Astoáiggehuksen ja geavaheapmi sáhttá maid váikkuhit eanadollui ja boazodollui.
– Olu astoáiggeeaiggádat geavahit iežaset bartta nu olu ahte sáhttá leat vuosttaš lávki fárret dan gildii. Olusat háliidit astogáiggegilážiid ja earát fas ohcalit ávdin guovllu. Ferte vuhtii váldit guktui oaiviliid ja seammás áimmahuššat luondduárvvuid, olgoáibmoberoštumiid ja báikkálaš servodatovdáneami, lohká Gjelsvik preassadieđáhusas.
Son muitala dát bagadalli muitala njuolggadusaid birra ja makkár áššiid ferte vuhtii váldit gieldda- ja guovlluplánain.
