Johtolatpolitiijat čađahedje bearráigeahču guovtti sámi suohkanis.
Finnmárkku politiijaguovlu dieđiha ahte johtolatpolitiijain leamaš bearráigeahčču Unjárgga bajásšaddanguovddáža luhtte njukčamánu 8. beaivvi.
Johtolatpolitiijat iske ledje go biilavuoddjit čilgosat ja leat go mánát sihkkarastojuvvon biillas.
– Mii iskkaimet 17 biilavuoddji, ii okta ge vuodján gárrenoaivvis. Dasa lassin iskkaimet mo 18 máná ledje sihkkarastán biillas. Mii leat bagadallan máŋgasa dan ektui, čállet Finnmárkku politiijat Twitteris.
Ii okta ge sáhkohallan
Seamma iđida čađahedje politiijat johtolatdárkkisteami Olmmáivákkis, Gáivuona suohkanis.
– Johtolatpolitiijat bissehedje 25 biilla johtolatbearráigeahčus. Buot lei nu go galgá, čállet Romssa politiijat Twitteris.
Johtolatpolitiijat leat dieđihan ahte geavahit olu návccaid čađahit johtolatbearráigeahčuid miehtá Norgga dán vahkkus.
