-Almmuhus-
OĐĐASATBadje­olmmoš guodda­la biegga­fápmo­huksema Alimus­riektái

Badje­olmmoš guodda­la biegga­fápmo­huksema Alimus­riektái

-

-

Fosena boazoeaiggát oaččui measta 90 miljovnna ruvnno buhtadussan masson guohtuneatnamiid ovddas, muhto guoddala aŋkke osiid duomus. Dan dahká maid bieggafápmohuksejeaddji.

Sihke boazoeaiggát ja huksejeaddji Fosen Vind guoddalit Alimusriektái duomu mii bođii Frostating Lágamánnerievttis geassemánu 8. beaivvi.

– Mii áigut doarrut sápmelaččaid leahkima ja sámi rivttiid ovddas, dadjá Fosen boazoguohtunorohaga boazoeaiggát Arvid Jåma.

Fosen Vind lea maid guoddalan lágamánnirievtti duomu, duođašta gulahallanhoavda Torbjørn Steen.

– Mii oaivvildat ahte bieggamillopárkka  negatiiva váikkuhus ii leat nu viiddis go lea čilgejuvvon lágamánnirievttis, dadjá Steen.

Jåma ii loga háliidit guoddalit buhtadusgažaldaga, muhto oaivvilda ahte ii leat doarvái vuhtii váldon sámeriektái go doaibmalohpi addui. Fosen Vind guoddala buhtadusgáibádusa.

– Mii oaivvildat ahte duopmu lea riiddus prinsihpas ahte buhtadus galgá ráddjen daid duođalaš ekonomalaš hehttehusaid maid doaimmabidju buktá. Danne guoddalat Alimusriektái, dadjá Steen.

©NTB

-Almmuhus-