Ivttá eahket ja mannan ija dáhpáhusat Finnmárkku politiijaguovlluin.
Ivttá eahket ja mannan ija dáhpáhusat Finnmárkku politiijaguovlluin.
Oarje-Finnmárkku politiijaguovlus ožžo mannan ija dieđu heađásnuvvon juovlabeavdegussiiguin Álttás, go sis lei okta feastaoasseváldiin guođđán doaluid, asehaččat gárvodan ja badjelmeare gárremin. Ášši čielggai maŋŋel go iskan ledje ášši, ja olmmoš gávdnui.
Diimmu ovdal seamma eahket dolvo politiijat Álttás ovtta nissona ruoktot, mii lei ovtta olgobáikkis , ja lei nu juhkaluvvon ahte taxi ii fuollan su fárrui.
Árabut ivttá eahket Bossogohpis Álttás, bissehedje politiijat ovtta mopedavuoddji, guhte lei máhcastan vuojána dovdomearkka bajás nuvt ii oidno. Politiijat čálle mopedavuoddjái sáhku ja fitne su váhnemiid ságain, dieđihit Oarje-Finnmárkku politiijaguovlu Twitter bokte.
Nuorta-Finnmárkku politiijaguovllus dieđihit politiijat ahte Donjevuonas leat váldán ovtta olbmo gitta mii váruhuvvo juhkanvuođas vuoddján. Politiijat dutket ášši.
Storskog rádjestašuvnna leat ikte boahtán 44 dorvoohcci ráji rastá, dan dieđihit Nuorta-Finnmárkku politiijaguovlu Twitteris.
