Boraspirebuhtadusaid meannudeapmi Finnmárkkus váldá áiggi go leat ollu ohcamat ovddiduvvon.
Finnmárkku Fylkkamánni birasgáhttenossodat lea meannudišgoahtán buhtadusohcamiid bohccuid ovddas mat leat goddon boraspirii boazodoallojagis 2016/2017. Badjelaš 360 ohcama leat ovddiduvvon. Birasgáhttenossodat dieđiha ahte lea guhkes meannudanáigi go leat nu ollu áššit, muhto buohkat ožžot vástádusa álggu geahčen skábmamánu. Juohke siidaoasi mearrádus sáddejuvvo dađistaga.