-Almmuhus-
-Almmuhus-
OĐĐASATBadjelaš 30-jahkásaš dievdu biddjon rájusgiddagassii

Badjelaš 30-jahkásaš dievdu biddjon rájusgiddagassii

-

-

Hámmárfeastta politiijat leat mánnodaga skábmamánu 26. beaivvi bidjan badjelaš 30-jahkásaš dievddu rájusgiddagassii, áššáiduhtton earret eará go galgá nihttán máŋga olbmo Hámmárfeasttas.

*/

Dievdu váldui gitta lávvordaga skábmamánu 24. beaivvi. Dan čállet Finnmárkku politiijat preassadieđáhusas.

Áššáiduhtton dievdu lea aiddo luitojuvvon giddagasas maŋŋel go lea leamaš rájusgiddagasas miessemánu rájes gitta golggotmánnui.

Maŋŋel dan leat sus máŋga ášši čuožžilan ja dan vuođul, ja go lea geardduhanballu, de lea áššáskuhttineiseváldi mearridan bidjat su rájusgiddagassii.

 

Dubmejuvvon ovdal

Ovdalaččas lea dievdu dubmejuvvon 11 mánnui eavttuhisgiddagassii ja nuppi duomus ges guđa mánnui eavttuhisgiddagassii.

Lassin lea son dubmejuvvon ja sáhkkohallan veahkaváldin-, integriteahttaloavkašuhttin-, narkotihkka- ja geaidnojohtolatláhkarihkkumiid oktavuođas.

 

Barget geardduhanváttisvuođain aktiivvalaččat

Hámmárfeastta politiijat leat guhkit áiggi bargan aktiivvalaččat geardduhanváttisvuođain.

Sii leat ge ovttas áššáskuhttineiseválddiin leamaš čielgasat ahte olbmot, geat rihkkot lágaid dávjá dahje maŋgii, eai galgga beassat čađahit ráŋggáštahtti daguid.

*/

-Almmuhus-