-Almmuhus-
OĐĐASATBadjel miljovnna boahku leat addon

Badjel miljovnna boahku leat addon

-

-

Norggas leat badjel miljovnna covid-19 boahku addon dássážii.

Oktiibuot leat  Norggas 722 648 olbmo ožžon vuosttaš koronaboahku, ja 287 412 olbmo leat ožžon goappaš boahkuid. 

– Mii oaidnit ahte dearvvašvuođabargit miehtá Norgga dahket buori barggu olbmuid boahkuheamis. Mii leat ilus go nu oallugat háliidit oažžut koronaboahkuid ja suddjet iežaset váralaš dávdda vuostá, lohká Álbmotdearvvašvuođainstituhta direktevra Camilla Stoltenberg preassadieđáhusas. 

Norga oažžu boahkuid EU ovttasbargošiehtadusa bokte. Boahttevaš vahkkuid mielde galgá Norga oažžut beali eambbo boahkuid go ovdal, earret eará Biontech ja Pfizer boahkuid. 

-Almmuhus-